மேக்கேதாட்டு அணை திட்டத்தை அமல்படுத்தக் கோரி மார்ச் 11-இல் தமிழக எல்லையில் முற்றுகைப் போராட்டம்

கன்னட அமைப்புகள் அறிவிப்பு

- 

பெங்களூரு, பிப். 28: மேக்கேதாட்டு அணை திட்டத்தை அமல்படுத்தக் கோரி, மார்ச் 11-ஆம் தேதி தமிழக எல்லையில் முற்றுகைப் போராட்டத்தை நடத்தப்போவதாக வாட்டாள் நாகராஜ் தலைமையிலான கன்னட அமைப்புகள் அறிவித்துள்ளன.

பெங்களூரில் கன்னட சலுவளி கட்சி மற்றும் கன்னட அமைப்புகளின் கூட்டமைப்புத் தலைவர் வாட்டாள் நாகராஜ் தலைமையில் கன்னட அமைப்புகளின் ஆலோசனைக் கூட்டம் வெள்ளிக்கிழமை நடைபெற்றது. இந்தக் கூட்டத்தில், டாக்டர் ராஜ்குமார் ரசிகர் மன்றத் தலைவர் சா.ரா.கோவிந்து உள்ளிட்ட ஏராளமான கன்னட அமைப்புகள் கலந்து கொண்டன.