மத வன்முறை தூண்டுதலுக்கு மக்கள் இரையாக வேண்டாம்: மம்தா வலியுறுத்தல்

மத வன்முறை தூண்டுதல் முயற்சிகளுக்கு மக்கள் இரையாக வேண்டாம் என்று மேற்கு வங்க முதல்வரும் திரிணமூல் காங்கிரஸ் கட்சித் தலைவருமான மம்தா பானர்ஜி வலியுறுத்தினார்.

- 

கொல்கத்தா, மார்ச் 31:

கொல்கத்தாவில் உள்ள சிவப்பு சாலையில் திங்கள்கிழமை நடைபெற்ற ரமலான் தொழுகை நிகழ்ச்சியில் அவர் பேசியதாவது:

ராமகிருஷ்ண பரமஹம்சரும் சுவாமி விவேகானந்தரும் பின்பற்றிய மதத்தை நான் பின்பற்றுகிறேன். பாஜகவினர் உருவாக்கிய மோசமான தர்மத்தை நான் பின்பற்றவில்லை. அவர்கள் ஹிந்து மதத்துக்கே எதிரானவர்கள். கலவரங்களை உருவாக்க முயற்சிகள் மேற்கொள்ளப்படுகின்றன. பொதுமக்கள் இந்த முயற்சிகளை எதிர்க்க வேண்டும்.