பாகிஸ்தானிலிருந்து ஆயுதங்கள் கடத்தல்: தில்லியில் 4 பேர் கைது

வட இந்தியாவில் உள்ள ரௌடி கும்பல்களுக்கு உயர் ரக வெளிநாட்டு துப்பாக்கிகளை விநியோகம் செய்து வந்த 4 முக்கிய நபர்களைக் கைதுசெய்ததன் மூலம் பாகிஸ்தானின் ஐஎஸ்ஐ ஆதரவில் செயல்பட்டு வந்த சர்வதேச ஆயுதக் கடத்தல் முறியடிக்கப்பட்டதாக தில்லி காவல் துறை அதிகாரிகள் சனிக்கிழமை தெரிவித்தனர்.

- 

பாகிஸ்தானிலிருந்து ட்ரோன்கள் மூலம் கடத்தப்பட்ட இந்த வெளிநாட்டு துப்பாக்கிகள் தில்லி, ஹரியாணா, உத்தர பிரதேசம், பஞ்சாப் ஆகிய மாநிலங்களுக்கு விநியோகிக்கப்பட்டன.

ரேடார் கண்காணிப்பிலிருந்து தப்பிக்கும் வகையில் குறைந்த உயரத்தில் பறக்கும் ட்ரோன்கள் மூலம் ஆயுதங்கள் கடத்தப்பட்டது விசாரணையில் தெரியவந்துள்ளது.

இதுகுறித்து தில்லி காவல் துறை உயரதிகாரி கூறியதாவது: பஞ்சாபை ஒட்டிய சர்வதேச எல்லை பகுதிகளில் ஜிபிஎஸ் மூலம் முன்கூட்டியே இடங்களைத் தேர்வு செய்து ட்ரோன்கள் மூலம் இரவு நேரத்தில் ஆயுதங்கள் இறக்கப்பட்டு வந்தன.