பேராசிரியர் பற்றாக்குறை: அரசு மருந்தியல் கல்லூரிகளுக்கு நோட்டீஸ்

பேராசிரியர்கள் பற்றாக்குறை, அடிப்படை வசதிகளில் குறைபாடு போன்ற காரணங்களை முன்வைத்து தமிழக அரசு மருந்தியல் கல்லூரிகளுக்கு இந்திய மருந்தியல் கவுன்சில் (பிசிஐ) நோட்டீஸ் அனுப்பியுள்ளது.

- 

சென்னை, ஜூன் 13:

அதன்படி, சென்னை மருத்துவக் கல்லூரி மற்றும் மதுரை மருத்துவக் கல்லூரிகளின் கீழ் இயங்கும் மருந்தியல் கல்லூரிகளில் உரிய விதிகளின்படி பேராசிரியர்கள் உள்ளனரா என்பது தொடர்பான விவரங்களைச் சமர்ப்பிக்க மூன்று மாத அவகாசம் அளிக்கப்பட்டுள்ளது. இல்லையெனில் நிகழாண்டுக்கான மாணவர் சேர்க்கை அங்கீகாரம் ரத்து செய்யப்படக் கூடிய நிலை ஏற்படும்.

தமிழகத்தில் சென்னை, மதுரை ஆகிய இடங்களில் உள்ள அரசு மருந்தியல் கல்லூரிகளில் பி.பார்ம்., எம்.பார்ம். படிப்புகள் பயிற்றுவிக்கப்படுகின்றன. இரு இடங்களிலும் தலா 60 பி.பார்ம். இடங்களும், எம்.பார்ம். இடங்களைப் பொருத்தவரை சென்னையில் 40 இடங்களும், மதுரையில் 45 இடங்களும் உள்ளன.

இதைத் தவிர, கோவை, தஞ்சாவூர் மருத்துவக் கல்லூரிகளில் மருந்தியல் துறைகள் உள்ளன. அங்கு பட்டயப் படிப்புகள் பயிற்றுவிக்கப்படுகின்றன.