மேலும் 10 மாவட்டச் செயலர்கள் நீக்கம்

புதிய நிர்வாகிகளை நியமித்தார் ராமதாஸ்

- 

விழுப்புரம், மே 31: அன்புமணியின் ஆதரவாளர்களாக இருந்துவந்த மேலும் 10 மாவட்டச் செயலர்களை நீக்கிவிட்டு, புதிய மாவட்டச் செயலர்களை பாமக நிறுவனர் ராமதாஸ் சனிக்கிழமை அறிவித்தார்.

ராமதாஸ், அவரது மகனும் கட்சித் தலைவருமான அன்புமணி ராமதாஸ் ஆகியோர் இடையிலான மோதல் நீடித்துவரும் நிலையில், கட்சியின் பொருளாளர் மற்றும் மாவட்டச் செயலர்களை ராமதாஸ் நீக்குவதும், அவர்கள் அந்தப் பொறுப்பில் தொடர்வார்கள் என அன்புமணி அறிவிப்பதும் தொடர்ந்து வருகிறது.

பாமகவின் திண்டுக்கல் மாவட்டச் செயலர்கள் சிவக்குமார் (தெற்கு), ஜான் கென்னடி (கிழக்கு), வைரமுத்து (வடக்கு), கடலூர் மாவட்டச் செயலர்கள் கார்த்திகேயன் (மேற்கு), முத்து கிருஷ்ணன் (கிழக்கு), செல்வமகேஷ் (தெற்கு), ரவிச்சந்திரன் (வடக்கு), ஈரோடு மாநகர் மாவட்டச் செயலர் எஸ்.ஆர்.ராஜி, ராணிப்பேட்டை கிழக்கு மாவட்டச் செயலர் சரவணன் ஆகியோரை அவர்கள் வகித்த கட்சிப் பொறுப்பிலிருந்து நீக்கி பாமக நிறுவனர் ராமதாஸ் சனிக்கிழமை அறிவிப்பு வெளியிட்டார்.

இவர்களுக்குப் பதிலாக புதிய மாவட்டச் செயலர்களையும் நியமித்தார்.