பயங்கரவாதத்துக்கு நிதி: கண்காணிப்புப் பட்டியலில் பாகிஸ்தான்

பாகிஸ்தானை சர்வதேச நிதி நடவடிக்கைகள் கண்காணிப்பு அமைப்பின் (எஃப் ஏடிஃப்) கண்காணிப்புப் பட்டியலில் மீண்டும் சேர்க்க இந்தியா தீவிரம் காட்டி வருகிறது.

- 

புது தில்லி, மே 23:

இதற்கு முன்பு, 2018-இல் எஃப்ஏடிஎஃப் 'கிரே' பட்டியலில் பாகிஸ்தான் சேர்க்கப்பட்டு சட்டவிரோத பணப் பரிவர்த்தனை மற்றும் பயங்கரவாதத்துக்கு ஆதரவாக நிதி வழங்குவதை ஒழிக்க நடவடிக்கை மேற்கொள்ளுமாறு அறிவுறுத்தப்பட்டது. அதன்பிறகு 2022-இல் அந்தப் பட்டியலில் இருந்து பாகிஸ்தானை எஃப்ஏடிஎஃப் நீக்கியது.

இந்நிலையில், எஃப்ஏடிஎஃப் அமைப்பிடம் அளித்த உறுதிமொழிகளை பாகிஸ்தான் பின்பற்றவில்லை என இந்தியா குற்றஞ்சாட்டி வருகிறது. அதன்பேரில் வரும் ஜூன் மாதம் நடைபெறவுள்ள அந்த அமைப்பின் கூட்டத்தில் பாகிஸ்தானை எஃப்ஏடிஎஃப் 'கிரே' பட்டியலில் சேர்ப்பதற்கான முன்னெடுப்புகளை மேற்கொள்ள இந்தியா முடிவு செய்துள்ளது.