மனோ தங்கராஜ் பால்வளத் துறை அமைச்சர்

பத்மநாபபுரம் சட்டப்பேரவைத் தொகுதி உறுப்பினர் மனோ தங்கராஜ் மீண்டும் அமைச்சராக திங்கள்கிழமை பதவி ஏற்றுக் கொண்டார். அவருக்கு ஆளுநர் ஆர்.என்.ரவி பதவிப் பிரமாணம் செய்து வைத்தார்.

- 

சென்னை, ஏப். 28: பத்மநாபபுரம் சட்டப்பேரவைத் தொகுதி உறுப்பினர் மனோ தங்கராஜ் மீண்டும் அமைச்சராக திங்கள்கிழமை பதவி ஏற்றுக் கொண்டார். அவருக்கு ஆளுநர் ஆர்.என்.ரவி பதவிப் பிரமாணம் செய்து வைத்தார்.

தமிழக அமைச்சரவையிலிருந்து 2 அமைச்சர்கள் ராஜிநாமா செய்த நிலையில் புதிதாக ஒரு அமைச்சர் மட்டுமே பதவியேற்றுள்ளதால் மாநில அமைச்சர்களின் எண்ணிக்கை முதல்வர் நீங்கலாக 33-ஆக குறைந்தது. முன்பு இந்த எண்ணிக்கை 34-ஆக இருந்தது.

தமிழக அமைச்சரவையில் இடம்பெற்றிருந்த செந்தில் பாலாஜி, பொன்முடி ஆகியோர் தங்கள் பதவியை கடந்த ஞாயிற்றுக்கிழமை ராஜிநாமா செய்தனர். இவர்களின் ராஜிநாமாவை ஆளுநர் ஆர்.என்.ரவி ஏற்றுக் கொண்டார்.