நாகபுரி வன்முறை: போராட்டக்காரர்களிடம் இருந்து இழப்பீடு வசூலிக்கப்படும்

மகாராஷ்டிர மாநிலம், நாகபுரியில் கடந்த திங்கள்கிழமை நிகழ்ந்த வன்முறையின்போது பொதுச் சொத்துகள் சேதப்படுத்தப்பட்ட நிலையில், அதற்கான இழப்பீட்டை போராட்டக்காரர்களிடம் இருந்தே வசூலிக்கவுள்ளதாக மாநில முதல்வர் தேவேந்திர பட்னவீஸ் சனிக்கிழமை தெரிவித்தார்.

- 

நாகபுரி, மார்ச் 22: மகாராஷ்டிர மாநிலம், நாகபுரியில் கடந்த திங்கள்கிழமை நிகழ்ந்த வன்முறையின்போது பொதுச் சொத்துகள் சேதப்படுத்தப்பட்ட நிலையில், அதற்கான இழப்பீட்டை போராட்டக்காரர்களிடம் இருந்தே வசூலிக்கவுள்ளதாக மாநில முதல்வர் தேவேந்திர பட்னவீஸ் சனிக்கிழமை தெரிவித்தார்.

உரிய இழப்பீட்டைத் தர மறுக்கும் போராட்டக்காரர்களின் சொத்துகள் பறிமுதல் செய்யப்படும் எனவும் தேவைப்படும்பட்சத்தில் புல்டோசர் மூலம் அவர்களின் சொத்துகளை இடிக்கும் நடவடிக்கையை மேற்கொள்ள தயங்கமாட்டேன் எனவும் அவர் எச்சரித்தார்.

மார்ச் 30-ஆம் தேதி நாகபுரிக்கு பிரதமர் மோடி வரவுள்ள நிலையில், வன்முறை நிகழ்ந்த இடத்தை தேவேந்திர பட்னவீஸ் வெள்ளிக்கிழமை நேரில் சென்று பார்வையிட்டார்.