வர்த்தக உறவை வலுப்படுத்த கூட்டு பொருளாதார ஆணையம்: இந்தியா-அயர்லாந்து ஒப்புதல்

இருதரப்பு வர்த்தக உறவை மேம்படுத்தும் வகையில் கூட்டு பொருளாதார ஆணையத்தை அமைக்க இந்தியாவும் அயர்லாந்தும் ஒப்புக்கொண்டுள்ளன என்று வெளியுறவு அமைச்சர் ஜெய்சங்கர் கூறினார்.

- 

டப்லின், மார்ச் 7:

அயர்லாந்து தலைநகர் டப்லினில் அயர்லாந்து துணைப் பிரதமரும் வெளியுறவு அமைச்சருமான சைமன் ஹாரிஸுடனான ஆலோசனைக்குப் பிறகு இந்தத் தகவலை அவர் தெரிவித்தார்.

பிரிட்டன், அயர்லாந்து நாடுகளுக்கு 6 நாள்கள் அரசுமுறைப் பயணம் மேற்கொண்டுள்ள ஜெய்சங்கர், பிரிட்டன் பயணத்தை முடித்துக்கொண்டு அயர்லாந்துக்கு வியாழக்கிழமை சென்றார். அங்கு பல்வேறு நிகழ்ச்சிகளில் பங்கேற்ற ஜெய்சங்கர், அந்நாட்டு வெளியுறவு அமைச்சர் சைமனை வெள்ளிக்கிழமை சந்தித்து இருதரப்பு உறவை மேம்படுத்தும் குறித்து ஆலோசனை மேற்கொண்டார்.