17 மாவட்டங்களில் 50 புதிய வருவாய் குறுவட்டங்கள் உருவாக்கப்படும்

அரசின் நலத்திட்டங்கள் மக்களை விரைவாகச் சென்றடைவதற்காக 17 மாவட்டங்களில் 50 புதிய வருவாய் குறுவட்டங்கள் உருவாக்கப்படும் என்று வருவாய் துறை அமைச்சர் கே.கே.எஸ்.எஸ்.ஆர்.ராமச்சந்திரன் அறிவித்தார்.

- 

சென்னை, ஏப். 3: அரசின் நலத்திட்டங்கள் மக்களை விரைவாகச் சென்றடைவதற்காக 17 மாவட்டங்களில் 50 புதிய வருவாய் குறுவட்டங்கள் உருவாக்கப்படும் என்று வருவாய் துறை அமைச்சர் கே.கே.எஸ்.எஸ்.ஆர்.ராமச்சந்திரன் அறிவித்தார்.

வருவாய் துறை மானியக் கோரிக்கை மீதான விவாதத்துக்குப் பதில் அளித்து அமைச்சர் கே.கே.எஸ்.எஸ்.ஆர்.ராமச்சந்திரன் வெளியிட்ட அறிவிப்புகள்:

ராணிப்பேட்டை, சிவகாசி, பொள்ளாச்சி ஆகிய வருவாய் கோட்டாட்சியர் அலுவலகங்கள் மற்றும் பவானி வருவாய் வட்டாட்சியர் அலுவலகம் ஆகிய 4 பாரம்பரிய கட்டடங்கள் ரூ.14 கோடியில் புதுப்பிக்கப்பட்டு மறுசீரமைக்கப்படும்.

மதுரை வருவாய் கோட்டாட்சியர் அலுவலகம், கூடலூர் வட்டாட்சியர் அலுவலகம், அரக்கோணம் வட்டாட்சியர் அலுவலகம் ஆகிய 3 அலுவலகங்களுக்குப் புதிய கட்டடங்களுக்கு ரூ.13.90 கோடியில் கட்டப்படும்.