நீலகிரி மாவட்டத்தில் பிளாஸ்டிக் பிரச்னைக்கு அரசு மாற்று ஏற்பாடு செய்ய வேண்டும்

நீலகிரி மாவட்டத்தில் நிலவும் பிளாஸ்டிக் பிரச்னைக்கு அரசு மாற்று ஏற்பாடு செய்ய வேண்டும் என்று தமிழ்நாடு வணிகர்கள் சங்கங்களின் கூட்டமைப்பின் மாநிலத் தலைவர் ஏ.எம்.விக்கிரமராஜா தெரிவித்தார்.

- 

கூடலூர், பிப். 26:

நீலகிரி மாவட்ட வணிகர்கள் சங்க கூட்டமைப்பின் பொதுக்குழு கூட்டம் கூடலூரில் செவ்வாய்க்கிழமை நடைபெற்றது.

இந்தக் கூட்டத்தில் பங்கேற்ற விக்கிரமராஜா செய்தியாளர்களிடம் கூறியதாவது:

கூடலூரில் வணிகர்களுக்கும், பொதுமக்களுக்கும் பல்வேறு பிரச்னைகள் உள்ளன. குறிப்பாக யானைகள் வழித்தடத்தால் அதிக பாதிப்பு ஏற்படும் அபாயம் உள்ளது. நகர வணிகர்களுக்கு நிர்வாகம் அதிக நெருக்கடி கொடுப்பதை தவிர்க்கவேண்டும். மஞ்சூர்-மேட்டுப்பாளையம் பகுதியை இணைக்கும் மூன்றாவது பாதையை போக்குவரத்துக்கு திறந்துவிட அரசு நடவடிக்கை எடுக்க வேண்டும்.