தமிழ்நாட்டில் முதலீடு செய்ய வெளிநாடுவாழ் தமிழர்கள் ஆர்வம்

தமிழ்நாட்டில் முதலீடு செய்ய வெளிநாடுவாழ் தமிழர்கள் ஆர்வம் காட்டுவதாக முதல்வர் மு.க.ஸ்டாலின் தெரிவித்தார்.

- 

சென்னை, செப். 8:

ஜெர்மனி, பிரிட்டன் நாடுகளில் ஒருவார கால பயணத்தை நிறைவு செய்த முதல்வர் ஸ்டாலின் திங்கள்கிழமை அதிகாலை சென்னை வந்து சேர்ந்தார். விமான நிலையத்தில் செய்தியாளர்களுக்கு அவர் அளித்த பேட்டி:

தமிழ்நாடு மீது நம்பிக்கை வைத்து 10 புதிய நிறுவனங்கள் தொழில் தொடங்குவதற்கு முன் வந்துள்ளன. உயர் கல்வி, சிறுதொழில் போன்ற துறைகளில் 6 அமைப்புகள் நம்முடன் இணைந்து கூட்டு முயற்சிகளை மேற்கொள்ளவிருக்கின்றன.

ஏற்கெனவே இருக்கும் 17 நிறுவனங்களும் மற்ற மாநிலங்களை நோக்கிச் செல்லாமல், தமிழ்நாட்டிலேயே தங்களுடைய தொழிலை விரிவுபடுத்த முடிவு செய்துள்ளன.