ஆண்டுதோறும் 6% உயர்த்தப்படும் சொத்து வரியை எதிர்த்து வழக்கு

அரசுக்கு உயர்நீதிமன்றம் நோட்டீஸ்

- 

சென்னை, ஆக. 23: சொத்து வரியை ஆண்டுதோறும் 6 சதவீதம் உயர்த்த வழிவகை செய்யும் அரசாணையை ரத்து செய்யக் கோரிய வழக்கில் தமிழக அரசு பதிலளிக்க சென்னை உயர்நீதிமன்றம் உத்தரவிட்டது.

சென்னை உயர்நீதிமன்றத்தில் ஹரீஷ் சௌத்ரி என்பவர் தாக்கல் செய்த மனுவில், தமிழகம் முழுவதும் கடந்த 2022-ஆம் ஆண்டு சொத்து வரி உயர்த்தப்பட்டது. இதன் அடிப்படையில் சென்னை மாநகராட்சி சட்டத்தின்படி குடிநீர், கழிவுநீர் வரிகளைச் சேர்த்து சொத்து வரியை சென்னைப் பெருநகர மாநகராட்சி நிர்வாகம் வசூலிக்க வேண்டும். எனக்கும், எனது சகோதரருக்கும் சொந்தமாக மந்தைவெளியில் உள்ள வீட்டுக்கு 2007-2008 நிதியாண்டுகளுக்கு ரூ.6,600 சொத்து வரி விதிக்கப்பட்டது.

இந்த வரி கடந்த 2020-2022 நிதியாண்டில் ரூ.8,330-ஆக உயர்த்தப்பட்டது.