இடைநிற்றலைத் தடுக்க 50 மாணவர்களுக்கு உயர்கல்வியில் சேருவதற்கான உடனடி ஆணை

கல்வியில் இடைநிற்றலைத் தடுக்க 50 மாணவர், மாணவிகளுக்கு உயர்கல்வியில் சேருவதற்கான உடனடி ஆணையை ஆட்சியர் இரா.சுகுமார் வழங்கினார்.

- 

திருநெல்வேலி, ஆக.8:

திருநெல்வேலி மாவட்டத்தில் செயல்பட்டுவரும் அரசு மற்றும் அரசு உதவிபெறும் மேல்நிலைப் பள்ளிகளில் 2024-2025 ஆம் கல்வி ஆண்டில் 12-ஆம் வகுப்பு முடித்த மாணவர்கள் அனைவருக்கும் 100 சதவீதம் உயர்கல்வி சேர்க்கையை உறுதிசெய்வதை இலக்காகக் கொண்டு மாவட்ட நிர்வாகம் பல்வேறு முயற்சிகளை எடுத்து வருகிறது.

குறிப்பாக, உயர் கல்வியில் சேருவதற்காக மாவட்ட நிர்வாகத்தின் மூலம் வழிகாட்டுதல் வழங்கப்பட்டு வருவதோடு, மாவட்ட ஆட்சியர் அலுவலக கட்டுப்பாட்டு அறை எண்கள் (9500324417, 9500524417) அறிவிக்கப்பட்டு, திறமையான ஆசிரியர்கள் மூலம் உயர்கல்வியில் சேருவதற்கான ஆலோசனைகள் வழங்கப்பட்டு வருகின்றன.