காவல் நிலையத்தில் தொழிலாளி தூக்கிட்டு தற்கொலை

எஸ்.ஐ., தலைமைக் காவலர் ஆயுதப் படைக்கு மாற்றம்

- 

கோவை, ஆக.6: கோவை பெரியகடை வீதி காவல் நிலையத்துக்குள் நுழைந்து, உதவி ஆய்வாளர் அறையில் தொழிலாளி தூக்கிட்டு தற்கொலை செய்து கொண்டார். இந்த விவகாரம் தொடர்பாக, உதவி ஆய்வாளர், தலைமைக் காவலர் ஆயுதப் படைக்கு பணியிடை மாற்றம் செய்யப்பட்டனர்.

கோவை மாநகர காவல் துறைக்கு உள்பட்ட பெரியகடை வீதி காவல் நிலையம் வைசியாள் வீதியில் உள்ளது. இந்த காவல் நிலையத்தில் தலைமைக் காவலர் செந்தில்குமார் செவ்வாய்க்கிழமை இரவு பணியில் இருந்தார். அப்போது, அங்கு வந்த 60 வயது நபர், தன்னை யாரோ தாக்குவதற்காக பின்தொடர்வதாக புகார் தெரிவித்தார்.

இதனை தலைமைக் காவலர் செந்தில்குமார் விசாரித்துவிட்டு, அந்த நபரை அங்கிருந்து அனுப்பிவைத்தார். புதன்கிழமை காலை வழக்கம்போல, காவலர்கள் ரோல்கால் முடிந்தவுடன், தங்களது அறைக்குச் சென்றனர்.