வடக்கன்குளம் தனியார் பள்ளி விடுதி மாணவர் உடல் தகனம்: பெற்றோர் எதிர்ப்பு

திருநெல்வேலி மாவட்டம், வடக்கன்குளத்தில் உள்ள தனியார் பள்ளி விடுதி கிணற்றில் மீட்கப்பட்ட மாணவரின் சடலம் காவல்துறை சார்பில் புதன்கிழமை தகனம் செய்யப்பட்டது. இதற்கு அவரது பெற்றோர் எதிர்ப்பு தெரிவித்து போராட்டத்தில் ஈடுபட்டனர்.

- 

திருநெல்வேலி, ஆக. 6:

தென்காசி மாவட்டம் ஆலங்குளம் அருகேயுள்ள மாறாந்தை பகுதியைச் சேர்ந்த மாரியப்பன் மகன் சேர்மதுரை. இவர், வடக்கன்குளத்தில் உள்ள தனியார் விடுதியில் தங்கியிருந்து 7 ஆம் வகுப்பு படித்து வந்தார். இந்நிலையில் கடந்த ஜூலை 8 ஆம் தேதி விடுதி வளாகத்தில் உள்ள கிணற்றில் சடலமாக மீட்கப்பட்டார். அவரது சடலத்தை பணகுடி போலீஸார் மீட்டு பிரேத பரிசோதனைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மாணவரின் இறப்பில் மர்மம் இருப்பதாகவும், உரிய நிவாரணம் வழங்க வேண்டும் எனவும் கூறி அவரது உடலை வாங்க மறுத்து உறவினர்கள் போராட்டம் நடத்தினர். மேலும், சிபிஐ விசாரணை வேண்டும், உடலை மறு பிரேத பரிசோதனை செய்யவும் பெற்றோர் தொடர்ந்து வலியுறுத்தி வந்தனர்.