தெற்குகள்ளிகுளம் அதிசய பனிமாதா பேராலயத் திருவிழா தேர் பவனி

திருநெல்வேலி மாவட்டம் தெற்குகள்ளிகுளம் பரிசுத்த அதிசய பனிமாதா பேராலயத் திருவிழாவில் திங்கள்கிழமை நள்ளிரவு அன்னையின் அலங்கார தேர் பவனி நடைபெற்றது.

- 

வள்ளியூர், ஆக. 5:

கத்தோலிக்க கிறிஸ்தவர்களின் புண்ணிய ஸ்தலங்களில் சிறப்புமிக்க இப்பேராலயத் திருவிழா கடந்த ஜூலை 27ஆம் தேதி தொடங்கியது. 10 நாள் திருவிழாவில் நாள்தோறும் திரியாத்திரை திருப்பலி, இரவில் மறையுரை, நற்கருணை ஆசீர்வாதம் நடைபெற்றது.

8ஆம் நாளான ஞாயிற்றுக்கிழமை (ஆக. 3) திருவிழா கொண்டாடப்பட்டது. வடக்கன்குளம் மறைவட்ட முதன்மை குருவானவர் ஜோசப் கிறிஸ்டியான் தலைமையில் நடைபெற்ற திருப்பலியில் பள்ளி மாணவர்-மாணவியருக்கு முதல் திருவிருந்து வழங்கப்பட்டது. இரவில் தூத்துக்குடி மறைமாவட்ட முதன்மை குருவானவர் ரவிபாலன் தலைமையில் நற்கருணைப் பவனி நடைபெற்றது.