ஆயுதங்களை ஒப்படைக்காவிட்டால் கடும் நடவடிக்கை

மணிப்பூரில் அரசிடமிருந்து கொள்ளையடித்த ஆயுதங்கள் மற்றும் பிற சட்டவிரோத ஆயுதங்களை அடுத்த ஏழு நாள்களுக்குள் தாமாக முன்வந்து ஒப்படைக்க வேண்டும் என்று மாநிலத்தின் அனைத்து சமூகத்தினருக்கும் ஆளுநர் அஜய் குமார் பல்லா வேண்டுகோள் விடுத்துள்ளார்.

- 

இம்பால், பிப். 20:

இந்தக் காலகட்டத்துக்குள் ஆயுதங்களைத் திருப்பி ஒப்படைப்போர் மீது எந்த நடவடிக்கையும் மேற்கொள்ளப்படாது; ஆனால், ஆயுதங்களை ஒப்படைக்காவிட்டால் கடும் நடவடிக்கையை எதிர்கொள்ள நேரிடும் என்று அவர் எச்சரித்துள்ளார்.

மணிப்பூரில் தற்போது குடியரசுத் தலைவர் ஆட்சி அமலில் உள்ளது. இங்கு கலவரம் மற்றும் வன்முறை சம்பவங்களின்போது காவல் துறை, பாதுகாப்புப் படையினரிடம் இருந்து ஏராளமான ஆயுதங்கள்-வெடிபொருள்கள் கொள்ளையடிக்கப்பட்டன. இந்தச் சூழலில், ஆளுநர் தரப்பில் மேற்கண்ட வேண்டுகோள் விடுக்கப்பட்டுள்ளது.