உலக சாம்பியன் ஜெர்மனியை வீழ்த்தியது இந்தியா

எஃப்ஐஎச் புரோ ஹாக்கி லீக் தொடரில் உலக சாம்பியன் ஜெர்மனியை 3-1 என்ற கோல் கணக்கில் வீழ்த்தி அசத்தல் வெற்றி பெற்றது இந்தியா.

- 

புரோ ஹாக்கி லீக் ஐரோப்பிய கட்ட ஆட்டங்கள் நெதர்லாந்தின் ராட்டர்டாம் நகரில் நடைபெறுகின்றன. புதன்கிழமை இரவு நடைபெற்ற ஆட்டத்தில் ஜெர்மனி-இந்திய அணிகள் மோதின.

தொடக்கம் முதலே இந்திய வீரர்கள் ஆதிக்கம் செலுத்தி ஆடியதால் ஜெர்மனி அணியினர் கோல் போட மேற்கொண்ட முயற்சிகள் பலன் தரவில்லை. பந்து கட்டுப்பாடு இந்தியா வசம் இருந்ததால், 7-ஆவது நிமிஷத்தில் மந்தீப் சிங் அற்புதமாக கோலடித்தார். 13-ஆவது நிமிஷத்தில் ஷிலானந்த் லக்ரா ஜெர்மன் கோல்கீப்பரை ஏமாற்றி அபார ஸ்ட்ரைக் மூலம் கோலடித்தார்.