'இண்டி' கூட்டணியின் சுதர்சன் ரெட்டி வேட்புமனு தாக்கல்

குடியரசு துணைத் தலைவர் தேர்தலில் போட்டியிடும் எதிர்க்கட்சிகளின் 'இண்டி' கூட்டணி வேட்பாளர் பி.சுதர்சன்ரெட்டி வியாழக்கிழமை வேட்புமனு தாக்கல் செய்தார்.

- 

புது தில்லி, ஆக. 21:

குடியரசு துணைத் தலைவர் பதவிக்கான தேர்தல் செப்டம்பர் 9-ஆம் தேதி நடைபெறவுள்ளது. மக்களவை, மாநிலங்களவை எம்.பி.க்கள் (நியமன எம்.பி.க்கள் உள்பட) வாக்களிக்கும் இத்தேர்தலில், மத்தியில் ஆளும் தேசிய ஜனநாயக கூட்டணி சார்பில் மகாராஷ்டிர ஆளுநரும், தமிழகத்தைச் சேர்ந்த பாஜக மூத்த தலைவருமான சி.பி. ராதாகிருஷ்ணன் போட்டியிடுகிறார். எதிர்க்கட்சிகள் சார்பில் தெலங்கானாவைச் சேர்ந்த உச்சநீதிமன்ற முன்னாள் நீதிபதி பி.சுதர்சன் ரெட்டி (79) களமிறக்கப்பட்டுள்ளார்.