3-ஆவது சுற்றில் அர்ஜுன் எரிகைசி, விதித், கீமர், பிரனேஷ் வெற்றி

சென்னை கிராண்ட்மாஸ்டர்ஸ்

- 

சென்னை, ஆக. 9: சென்னை கிராண்ட் மாஸ்டர்ஸ் செஸ் போட்டியின் மாஸ்டர்ஸ் பிரிவில் அர்ஜுன் எரிகைசி, வின்சென்ட் கீமர், விதித், பிரனேஷ் வெற்றி பெற்றனர். தனது ஆட்டத்தில் வெற்றி பெற்றார். ஹயாட் ரீஜென்சி ஓட்டலில் நடைபெறும் இப்போட்டியில் 19 சிறந்த கிராண்ட் மாஸ்டர்கள் மற்றும் ஒரு சர்வதேச மாஸ்டர் பங்கேற்றுள்ளனர். மொத்த பரிசுத்தொகை ரூ. 1 கோடி ஆகும். மாஸ்டர்ஸ் மற்றும் சேலஞ்சர்ஸ் பிரிவுகளில் ஆட்டங்கள் நடைபெறுகின்றன. இரு பிரிவிலும் தலா 10 வீரர்கள் கலந்து கொண்டுள்ள இது ரவுண்ட்-ராபின் முறையில் நடத்தப்பட்டு வருகிறது.

3-ஆவது நாளான சனிக்கிழமை மாஸ்டர்ஸ் பிரிவு 3-வது சுற்றில் ஜெர்மனியின் வின்சென்ட் கீமர் இந்திய கிராண்ட் மாஸ்டரான கார்த்திக்கேயன் முரளியுடன் மோதினார். இதில் வின்சென்ட் கீமர் 30-வது நகர்த்தலின் போது வெற்றியை வசப்படுத்தினார். இது அவருக்கு ஹாட்ரிக் வெற்றியாக அமைந்தது.