பல்துறை கல்வி-ஆராய்ச்சி மேம்பாட்டுத் திட்டம்: மத்திய அமைச்சரவை ஒப்புதல்

தொழில்நுட்பக் கல்வியில் பல்துறை கல்வி மற்றும் ஆராய்ச்சியை மேம்படுத்தும் திட்ட முன்மொழிவுக்கு மத்திய அரசு வெள்ளிக்கிழமை ஒப்புதல் அளித்தது.

- 

புது தில்லி, ஆக. 8:

பிரதமர் நரேந்திர மோடி தலைமையில் தில்லியில் வெள்ளிக்கிழமை நடைபெற்ற மத்திய அமைச்சரவைக் கூட்டத்தில் இதற்கான ஒப்புதல் அளிக்கப்பட்டது.

இதுகுறித்து மத்திய தகவல் மற்றும் ஒலிபரப்புத் துறை அமைச்சர் அஸ்வினி வைஷ்ணவ் கூறியதாவது: நாடு முழுவதும் 175 பொறியியல் கல்வி நிறுவனங்கள் மற்றும் 100 பாலிடெக்னிக் கல்வி நிறுவனங்கள் என மொத்தம் 275 கல்வி நிறுவனங்களில் பல்துறை கல்வி மற்றும் ஆராய்ச்சியை மேம்படுத்தும் திட்டத்தை நடைமுறைப்படுத்தும் முன்மொழிவுக்கு மத்திய அமைச்சரவை ஒப்புதல் அளித்தது. 2025-26 முதல் 2029-30-ஆம் ஆண்டு வரை செயல்படுத்தப்படும் இத் திட்டத்துக்கு உலக வங்கியின் ரூ.2,100 கடனுதவியுடன் மொத்தம் ரூ.4,200 கோடி ஒதுக்கப்படும்.