விசாரணைக் கைதி மர்ம மரணம் வனத் துறை அலுவலகத்தை மக்கள் முற்றுகை

உடுமலையில் விசாரணைக் காக அழைத்துச் செல்லப்பட்டவர் மர்மமான முறையில் உயிரிழந்ததால், வனத் துறை அலுவலகத்தை முற்றுகையிட்டு மலைவாழ் மக்கள் வியாழக்கிழமை போராட்டத்தில் ஈடுபட்டனர்.

- 

உடுமலை, ஜூலை 31:

திருப்பூர் மாவட்டம், உடுமலை அருகேயுள்ள மேல்குருமலை செட்டில்மெண்ட் பகுதியைச் சேர்ந்தவர் மாரிமுத்து (45). இவர், கேரள மாநிலம், மறையூரில் குடும்பத்துடன் வசித்து வந்தார். இந்நிலையில், ஒரு வழக்குத் தொடர்பாக மாரிமுத்து உடுமலைக்கு செவ்வாய்க்கிழமை வந்துள்ளார். பின்னர், அன்று மாலையே பேருந்து மூலம் மறையூர் திரும்பியுள்ளார். அப்போது, தமிழக-கேரள எல்லையில் உள்ள சோதனைச் சாவடியில் மாரிமுத்துவை தடுத்து நிறுத்திய கேரள வனத் துறையினர், புலி நகம் உள்ளதாக அவரிடம் விசாரணை மேற்கொண்டனர். பின்னர், அவரை தமிழக வனத் துறையினரிடம் ஒப்படைத்தனர்.