புதிதாக பணியில் சேரும் இளைஞர்கள், வேலை அளித்தோருக்கு ஊக்கத்தொகை

வருங்கால வைப்புநிதி மண்டல ஆணையர்

- 

திருச்சி, ஜூலை 10: புதிதாக பணியில் சேரும் இளைஞர்கள் மற்றும் அவர்களுக்கு வேலை வழங்கிய உரிமையாளர்களுக்கு ஊக்கத்தொகை வழங்கும் திட்டம் அமல்படுத்தப்பட்டுள்ளதாக திருச்சி மண்டல வருங்கால வைப்புநிதி ஆணையர் ஜி.ஆர்.ஜெ.ஆர்.மாதவசங்கர் தெரிவித்தார்.

இதுதொடர்பாக திருச்சியில் புதன்கிழமை அவர் கூறியதாவது:

வேலைவாய்ப்புடன் கூடிய ஊக்கத்தொகை திட்டத்துக்கு பிரதமர் நரேந்திர மோடி தலைமையிலான மத்திய அமைச்சரவை அண்மையில் ஒப்புதல் அளித்துள்ளது. இதன்படி புதிதாக பணியில் சேர உள்ளவர்களுக்கும், அவர்களுக்கு பணி வழங்கும் நிறுவனங்களுக்கும் ஊக்கத்தொகை வழங்கி ஆதரவு அளிக்கப்படும்.