கனிம உற்பத்தியில் தொழில் துறை தேவை பூர்த்தி

மத்திய சுரங்கங்கள் துறை அமைச்சகம் தகவல்

- நமது சிறப்பு நிருபர்

நமது சிறப்பு நிருபர் புது தில்லி, மே 6: 2024-25-ஆம் நிதியாண்டில் நாட்டின் சில முக்கிய கனிமங்களின் உற்பத்தியில் வலுவான வளர்ச்சி காணப்பட்டு தொழில் துறையின் தேவைகள் பூர்த்தி செய்யப்பட்டு வருவதாக மத்திய சுரங்கங்கள் துறை அமைச்சகம் தெரிவித்துள்ளது.

இது குறித்து மத்திய சுரங்கத்துறை திங்கள்கிழமை கூறியிருப்பது வருமாறு: கடந்த 2023-24-ஆம் நிதியாண்டில் இரும்புத் தாது உற்பத்தி 27.7 கோடி மெட்ரிக் டன்னாக இருந்தது. இது முந்தைய ஆண்டுகளை விட சாதனை அளவாகும். தற்போதைய தரவுகளின் படி 2024-25-ஆம் நிதியாண்டில் இரும்புத் தாது உற்பத்தி 4.3 சதவீத வளர்ச்சியுடன் 28.9 கோடி மெட்ரிக் டன்னாக அதிகரித்தது. இது 2023-24-ஆம் ஆண்டு சாதனையையும் முறியடித்துள்ளது.