ராமேசுவரம் மீனவர்கள் காலவரையற்ற வேலைநிறுத்தம்

இலங்கை கடற்படையினரால் கைது செய்யப்பட்ட 42 மீனவர்களையும், இவர்களது 8 விசைப் படகுகளையும் விடுவிக்க மத்திய, மாநில அரசுகள் உடனடி நடவடிக்கை எடுக்கக் கோரி, ராமேசுவரம் மீனவர்கள் காலவரையற்ற வேலைநிறுத்தப் போராட்டத்தை திங்கள்கிழமை தொடங்கினர்.

- 

ராமேசுவரம், பிப். 24:

ராமநாதபுரம் மாவட்டம், ராமேசுவரத்திலிருந்து கடந்த சனிக்கிழமை கடலுக்குள் மீன்பிடிக்கச் சென்ற 32 மீனவர்களை இலங்கை கடற்படையினர் கைது செய்தனர். 5 விசைப் படகுகளைப் பறிமுதல் செய்தனர். இதேபோல, கடந்த 19-ஆம் தேதி நள்ளிரவு கச்சத்தீவு-நெடுந்தீவுக்கு இடையே மீன்பிடித்துக் கொண்டிருந்த ராமேசுவரம் மீனவர்கள் 10 பேரை இலங்கை கடற்படையினர் கைது செய்தனர். 3 விசைப் படகுகளைப் பறிமுதல் செய்தனர்.