2-ஆவது சுற்றில் பெகுலா, பென்சிச்; ரூட், ரூபலேவ் தோல்வி

டென்னிஸ் காலண்டரின் 3-ஆவது கிராண்ட்ஸ்லாம் போட்டியான விம்பிள்டன், லண்டனில் திங்கள்கிழமை தொடங்கியது.

- 

முன்னணி வீராங்கனைகளான அமெரிக்காவின் ஜெஸ்ஸிகா பெகுலா, சுவிட்ஸர்லாந்தின் பெலிண்டா பென்சிச் ஆகியோர் முதல் சுற்றில் வெற்றி பெற, ஆடவர் பிரிவில் நார்வேயின் கேஸ்பர் ரூட், ரஷியாவின் ஆண்ட்ரே ரூபலேவ் தோல்வியைத் தழுவினர்.

மகளிர் பிரிவில், போட்டித்தரவரிசையில் 4-ஆம் இடத்திலிருக்கும் பெகுலா 7-5, 6-3 என்ற நேர் செட்களில், செக் குடியரசின் டார்ஜா விட்மானோவாவை வீழ்த்த, 11-ஆம் இடத்திலிருக்கும் பென்சிச் 6-2, 6-1 என, பிரிட்டனின் மிகா ஸ்டோவ்சாவிக்கை வென்றார்.