ஏரல் சேர்மன் கோயிலில்...

தூத்துக்குடி மாவட்டம் ஏரல் சேர்மன் அருணாச்சல சுவாமி கோயிலில் ஆடி அமாவாசைத் திருவிழா செவ்வாய்க்கிழமை கொடியேற்றத்துடன் தொடங்கியது.

- 

ஆறுமுகனேரி, ஜூலை 15:

இக்கோயிலில் ஆடி, தை மாதங்களில் அமாவாசை திருவிழா 12 நாள்கள் சிறப்பாக நடைபெறும். அதன்படி, நிகழாண்டு ஆடி அமாவாசை திருவிழா கொடியேற்றம் செவ்வாய்க்கிழமை காலை நடைபெற்றது.

முன்னதாக, கோயில் நடை திறக்கப்பட்டு, விநாயகர் பூஜை நடைபெற்றது. பின்னர், கொடிப்பட்டம் அலங்கரிக்கப்பட்டு மூலவரின் சந்நிதியைச் சுற்றி ஊர்வலமாக வந்து கொடியேற்றப்பட்டது.