பிரபல குஜராத்தி நாளிதழ் உரிமையாளர் கைது

குஜராத்தில் இயங்கி வரும் 'குஜராத் சமாச்சார்' நாளிதழின் உரிமையாளர்களில் ஒருவரான பாகுபலி ஷாவை அமலாக்கத்துறை வியாழக்கிழமை கைது செய்ததாக தகவலறிந்த வட்டாரங்கள் தெரிவித்தன.

- 

அகமதாபாத், மே 16:

இந்த நடவடிக்கைக்கு காங்கிரஸ் கண்டனம் தெரிவித்தது.

பாகுபலி ஷா, குஜராத் சமாச்சார் நாளிதழை நிர்வகிக்கும் லோக் பிரகாசன் நிறுவனத்தின் இயக்குநர்களில் ஒருவராவார். அவரது மூத்த சகோதரர் சிரேயான்ஷ் ஷா, நாளிதழின் நிர்வாக ஆசிரியராக உள்ளார்.

அவர் ஜிஎஸ்டிவி எனும் செய்தித் தொலைக்காட்சியை நடத்தி வருகிறார். அதன் இணைய சேவைகளின் தலைவராக பொறுப்பு வகிக்கும் துஷார் தேவ் ஃபேஸ்புக் பக்கத்தில் ஒரு பதிவை வெளியிட்டார்.