காவலருக்கும் ஓய்வு தேவை!

வலர்களின் உடல் நலத்தையும் மனநலத்தையும் பேணும் வகையில் அவர்களுக்கு வார விடுப்பு வழங்கி தமிழக அரசு 2021-இல் அரசாணை ஒன்றை பிறப்பித்தது.

- முனைவர் என்.பத்ரி

வலர்களின் உடல் நலத்தையும் மனநலத்தையும் பேணும் வகையில் அவர்களுக்கு வார விடுப்பு வழங்கி தமிழக அரசு 2021-இல் அரசாணை ஒன்றை பிறப்பித்தது. ஆனால், அந்த அரசாணை முறையாக நடைமுறைப்படுத்தப்படுவதில்லை என்று காவலர் ஒருவரால் மதுரை உயர் நீதிமன்றக் கிளையில் வழக்கு ஒன்று தொடரப்பட்டது. இது தொடர்பாக மதுரை உயர் நீதிமன்றம் கூறுகையில், தமிழ்நாடு காவல் துறையில் காவலர்களுக்கு பணிச்சுமை அதிகம் உள்ளது. ஓய்வின்றி பணியாற்ற வேண்டியுள்ளதாக காவலர்கள் தரப்பில் தொடர்ந்து புகார்கள் வருகின்றன. மேலும், தொடர்ந்து பல மணி நேரம் சவால் மிக்க காவல் பணியில் ஈடுபடும் போது காவலர்களின் உடல் நலமும், மன நலமும் வெகுவாக பாதிக்கப்படுகிறது. அவர்கள் தங்கள் குடும்பங்களுடன் மற்றவர்களைப் போல தங்களது நேரத்தை செலவிட முடிவதில்லை. காவல் துறையில் பல பணியிடங்கள் காலியாக உள்ளதால், அதிக பணிச்சுமையுடன் பணியில் ஈடுபடும் அவர்களுக்கு அதிகமான உடல் கோளாறுகளும், மனச்சோர்வும் ஏற்படுவதாகக் கூறப்படுகிறது. இதன் விளைவாக சில காவலர்கள் தற்கொலை செய்து கொள்ளும் பரிதாப நிகழ்வுகளும் நடைபெற்றுக் கொண்டுதான் இருக்கின்றன என்று கூறியுள்ளது. மேலும், இதுகுறித்து மதுரை உயர் நீதிமன்றம் தன்னுடைய அதிருப்தியையும் தெரிவித்துள்ளது குறிப்பிடத்தக்கது.