சத்தீஸ்கரில் 18 நக்ஸல்கள் சுட்டுக் கொலை; 11 பேர் பெண்கள்

சத்தீஸ்கரில் பாதுகாப்புப் படையினர் உடனான மோதலில் 18 நக்ஸல்கள் சனிக்கிழமை சுட்டுக் கொல்லப்பட்டனர். அவர்களில் 11 பேர் பெண்கள்.

- 

சுக்மா, மார்ச் 29: சத்தீஸ்கரில் பாதுகாப்புப் படையினர் உடனான மோதலில் 18 நக்ஸல்கள் சனிக்கிழமை சுட்டுக் கொல்லப்பட்டனர். அவர்களில் 11 பேர் பெண்கள்.

இதுதொடர்பாக அந்த மாநில பஸ்தர் சரக காவல் துறை ஐஜி சுந்தர்ராஜ் பிடிஐ செய்தி நிறுவனத்திடம் கூறுகையில், 'சுக்மா மாவட்டம் கேர்லாபால் காவல் நிலைய எல்லைக்குள்பட்ட பகுதியில் நக்ஸல் தீவிரவாதிகளின் நடமாட்டம் தென்படுவதாக ரகசிய தகவல் கிடைத்தது.

இதையடுத்து அந்தப் பகுதியில் டிஆர்ஜி மற்றும் மத்திய ரிசர்வ் காவல் படை (சிஆர்பிஎஃப்) வீரர்கள் வெள்ளிக்கிழமை இரவு தேடுதல் வேட்டையில் ஈடுபட்டனர்.