தொகுதி மறுசீரமைப்பு குறித்து மக்களவையில் விவாதிக்க வேண்டும்

தொகுதி மறுசீரமைப்பு குறித்து மக்களவையில் விவாதித்து அனைவரது கருத்துகளைக் கேட்க வேண்டும் என மக்களவை உறுப்பினர் கனிமொழி வலியுறுத்தினார்.

- 

தூத்துக்குடி, மார்ச் 3:

இதுகுறித்து தூத்துக்குடியில் உள்ள மக்களவை உறுப்பினர் அலுவலகத்தில் அவர், செய்தியாளர்களிடம் திங்கள்கிழமை கூறியதாவது:

தொகுதி மறுசீரமைப்பு என்பது தமிழ்நாடு உள்ளிட்ட தென்மாநிலங்கள், குறிப்பாக மக்கள்தொகையைக் கட்டுப்படுத்திய மாநிலங்களைப் பாதிக்காத வகையில் இருக்க வேண்டும். அதற்காகத்தான் தமிழக முதல்வர் மு.க.ஸ்டாலின் அனைத்துக் கட்சிக் கூட்டத்தை கூட்டியுள்ளார். இக்கூட்டத்தில் அனைத்து கட்சிகளும் பங்கேற்று தங்களது கருத்துகளைத் தெரிவிக்க வேண்டும்.