ஏஓ ஓஸாகா, ரைபகினா, சின்னர், சிட்சிபாஸ் முன்னேற்றம்; மொன்பில்ஸ் ஓய்வு

ஆஸ்திரேலிய ஓபன் டென்னிஸ் பந்தயத்தில் முன்னணி வீரர் இத்தாலியின் ஜேக் சின்னர், சிட்சிபாஸ் ஜப்பான் வீராங்கனை நவோமி ஒஸாகா, ரைபகினா இரண்டாம் சுற்றுக்கு முன்னேறினர்.

- 

மூத்த பிரெஞ்சு வீரரான கேல் மொன்பில்ஸ் தோல்வியுடன் விடைபெற்றார்.நிகழாண்டு சீசனின் முதல் கிராண்ட்ஸ்லாமான ஆஸி. ஓபன் மெல்போர்ன் நகரில் நடைபெற்று வருகிறது.

செவ்வாய்க்கிழமை நடைபெற்ற ஆட்டங்களில் ஆடவர் பிரிவில் 2 முறை நடப்பு சாம்பியன் இத்தாலியின் ஜேக் சின்னர்-பிரான்ஸ் வீரர் ஹியுகோ கேஸ்டன் மோதினர்.

இதில் ஆட்டத்தை முழு கட்டுப்பாட்டில் வைத்திருந்த சின்னர் முதலிரண்டு செட்களை 6-1, 6-2 என கைப்பற்றினார். மூன்றாவது செட் தொடங்கும் போது, வயிறு பாதிப்பால் கேஸ்டன் ஆட்டத்தில் இருந்து விலகுவதாக அறிவித்தார். இதையடுத்து சின்னர் இரண்டாம் சுற்றுக்கு முன்னேறினார்.