சென்னையில் 50 இடங்களில் தானியங்கி குடிநீர் இயந்திரங்கள்

முதல்வர் மு.க.ஸ்டாலின் தொடங்கி வைத்தார்

- 

சென்னை,ஜூன் 18:சென்னையில் 50 இடங்களில் இயந்திரங்கள் மூலம் கட்டணமில்லாமல் குடிநீர் வழங்கும் திட்டம் தொடங்கப்பட்டுள்ளது. சென்னை மெரீனா கடற்கரை நீச்சல் குளம் அருகில் அமைக்கப்பட்டுள்ள தானியங்கி இயந்திரத்தின் செயல்பாட்டை முதல்வர் மு.க.ஸ்டாலின் புதன்கிழமை தொடங்கி வைத்து குடிநீரை அருந்தினார்.

பொதுமக்கள் அதிகம் கூடும் இடங்களில் அவர்களது தண்ணீர் தாகத்தைப் போக்க, தானியங்கி குடிநீர் வழங்கும் இயந்திரங்களைப் பொருத்த நடவடிக்கை எடுக்கப்பட்டது. கட்டணமில்லாமல் தரமான குடிநீரை சென்னை குடிநீர் வாரியம் வழியாக வழங்க ஏற்பாடுகள் செய்யப்பட்டன.