இரு வேறு உவமைகள்!

உவமைகளைச் சொல்வது என்பது நமது பேச்சு வழக்கிலேயே உண்டு.

- வழக்குரைஞர் த.இராமலிங்கம்

உவமைகளைச் சொல்வது என்பது நமது பேச்சு வழக்கிலேயே உண்டு. 'பெய்யு மழை பெய்யுது.. தெருவில் வெள்ளம் ஆறு மாதிரி ஓடுது' என்று மழைக்காலத்தில் எல்லாரும் சாதாரணமாகச் சொல்வதுண்டு. "உங்க வீட்டு சாப்பாடு அமிர்தமா இருந்தது" என்பார்கள். 'வாழைப்பழ மேனி! வைகாசி மாம்பழமே! கொய்யாப்பழ மேனி! - நான் பெத்த கொஞ்சி வரும் ரஞ்சிதமே!' என்று குழந்தையைக் கொஞ்சும் நாட்டுப்புறப் பாடல் ஒன்று உண்டு. வரிக்கு வரி இதில் உவமைகள்! எந்த உவமையாக இருந்தாலும், பொருத்தமாக இருக்க வேண்டியது அவசியம். 'மார்கழி மாதப் பனி மாதிரி வெயில் அடிக்குது' என்று சொன்னால் சரியாக இருக்குமா என்ன? உவமைகளின் அரசன் கம்பன்.

காப்பியத்தைச் சொல்லிக் கொண்டு போகும் எழில்மிகு கவிதைகளில், ஏராளமான உவமைகளை அள்ளித் தெளித்துக்கொண்டே போகிறான். போரில் நிகழ்ந்த இரு வேறு மரணங்களின் போது அவன் சொல்லும் வியக்க வைக்கும் இரு உவமைகளைத்தான் நாம் இங்கு காண இருக்கிறோம்.