இந்து சமய அறநிலையத் துறை சார்பில் இரு செவிலியர் கல்லூரிகள் அமைக்கப்படும்

சென்னை, திருச்சியில் இந்து சமய அறநிலையத் துறை சார்பில் செவிலியர் கல்லூரிகள் அமைக்கப்படும் என அமைச்சர் பி.கே.சேகர்பாபு தெரிவித்தார்.

- 

சென்னை, ஏப். 17:

சட்டப்பேரவையில் அவர் வியாழக்கிழமை வெளியிட்ட அறிவிப்புகள்:

ஆன்மிகப் பயணமாக ராமேசுவரம் ராமநாதசுவாமி திருக்கோயிலிலிருந்து காசி விஸ்வநாதர் திருக்கோயிலுக்கு கடந்த மூன்று ஆண்டுகளில் 60 வயது முதல் 70 வயதுக்கு உட்பட்ட 920 பக்தர்கள், ரூ.2.30 கோடி செலவில் அழைத்துச் செல்லப்பட்டனர். பெருவாரியான பக்தர்கள் இந்த பயணத்தை மேற்கொள்ள விருப்பம் தெரிவிப்பதால், இவ்வாண்டு 600 பக்தர்கள் அழைத்துச் செல்லப்படுவர். இதற்கான செலவினம் ரூ.1.50 கோடி அரசு நிதியாக வழங்கப்படும்.

அதேபோன்று அறுபடை வீடுகளுக்கு 2,000 பக்தர்கள் ரூ.2.50 கோடி செலவிலும், அம்மன் திருக்கோயில்கள், வைணவ திருக்கோயில்களுக்கு தலா 2,000 பக்தர்கள் ரூ.1 கோடி செலவிலும் அழைத்துச் செல்லப்படவுள்ளனர்.