ஒருநாள் கிரிக்கெட்: மேற்கிந்தியத் தீவுகள் ‘சூப்பர் ஓவரில்’ வெற்றி

வங்கதேசத்துக்கு எதிரான 2-ஆவது ஒருநாள் கிரிக்கெட்டில் மேற்கிந்தியத் தீவுகள் சூப்பர் ஓவரில் செவ்வாய்க்கிழமை வெற்றி பெற்றது. மொத்தம் 3 ஆட்டங்கள் கொண்ட தொடர், தற்போது 1-1 என சமனாகியுள்ளது.

- 

இந்த ஆட்டத்தில் முதலில் வங்கதேசம் 50 ஓவர்களில் 7 விக்கெட்டுகள் இழப்புக்கு 213 ரன்கள் சேர்க்க, மேற்கிந்தியத் தீவுகளும் 50 ஓவர்களில் 9 விக்கெட்டுகள் இழந்து 213 ரன்கள் எடுத்தது.

பின்னர் வெற்றியாளரை தீர்மானிக்க நடத்தப்பட்ட சூப்பர் ஓவரில், முதலில் மேற்கிந்தியத் தீவுகள் 1 விக்கெட் இழப்புக்கு 10 ரன்கள் எடுக்க, வங்கதேசம் 1 விக்கெட் இழந்து 9 ரன்களே எட்டியது.

முன்னதாக இந்த ஆட்டத்தில் டாஸ் வென்ற வங்கதேசம், பேட்டிங்கை தேர்வு செய்தது. மேற்கிந்தியத் தீவுகள், 50 ஓவர்களையுமே தனது ஸ்பின்னர்களை கொண்டு வீசி புதிய உத்தியை கையாண்டது.