சர்வதேச சட்டங்களின் கீழ் இலங்கை மனித உரிமை மீறல் விசாரணை

இலங்கையில் மனித உரிமைகள் மீறல் குற்றச்சாட்டுகள் குறித்து சர்வதேச சட்டங்களின் கீழ்தான் விசாரணை நடத்தப்படும் என்று ஐ.நா. மனித உரிமைகள் ஆணையம் திட்டவட்டமாகத் தெரிவித்துள்ளது.

- 

கொழும்பு, செப். 8:

இது குறித்து ஐ.நா. மனித உரிமைகள் ஆணையத் தலைவர் வோல்கர் டர்க் (படம்) திங்கள்கிழமை கூறியதாவது:

இலங்கை மனித உரிமை மீறல் குற்றங்கள் தொடர்பாக சர்வதேச சட்டங்களின் கீழ் விசாரணை நடத்தி நீதி வழங்க ஆணையத்தின் உறுப்பு நாடுகள் ஒத்துழைக்க வேண்டும்.

மனித உரிமைகளை பெருமளவில் மீறியதாக நம்பகத்தன்மையுடன் குற்றஞ்சாட்டப்பட்டவர்களுக்கு எதிராக கூடுதல் தடைகளை விதிப்பது குறித்தும் ஆணைய உறுப்பு நாடுகள் ஆராயவேண்டும். நீதி, நல்லிணக்கத்தை அடைய, நிலையான அமைதியை உருவாக்க இது அவசியம்.

மனித உரிமை மீறல் குற்றச்சாட்டுகளுக்கு அரசும், பாதுகாப்புப் படைகளும் பொறுப்பேற்பது பாதிக்கப்பட்டவர்களும் உயிர் பிழைத்தவர்களும் அவசியமாக உள்ளது.