பேருந்து, மெட்ரோ ரயில்களில் சக்கர நாற்காலிக்கு இடம் கட்டாயம்: புதிய வரைவு வழிகாட்டுதல் வெளியீடு

மாற்றுத்திறனாளிகளுக்கு தடையற்ற போக்குவரத்துப் பயணத்தை உறுதிப்படுத்தும் வகையில் பேருந்துகள், மெட்ரோ ரயில்களில் சக்கர நாற்காலிகள் வைக்க இடம், பாதுகாப்பு பெல்ட் உள்ளிட்ட பல்வேறு வசதிகளை கட்டாயமாக்கும் வகையில் புதிய வரைவு வழிகாட்டுதல் வெளியிடப்பட்டுள்ளது.

- 

புது தில்லி, ஜூன் 15:

மத்திய சமூக நீதி மற்றும் அதிகாரமளித்தல் துறை அமைச்சகத்தின் கீழ் இயங்கும் மாற்றுத்திறனாளிகளுக்கு அதிகாரமளித்தல் துறை சார்பில் மாற்றுத்திறனாளிகளின் உரிமைகள் சட்டம் 2016-இன் கீழ், அவர்களுக்கு தடையற்ற சூழலை உருவாக்கும் வகையில் இந்த வரைவு வழிகாட்டுதல் தயாரிக்கப்பட்டு, பொதுமக்களின் கருத்துகள் மற்றும் ஆலோசனைகளைப் பெறுவதற்காக வெளியிடப்பட்டுள்ளது.