உடன்குடி அனல்மின் திட்ட முதல் அலகுப் பணிகள் மே மாதத்தில் நிறைவு பெறும்

உடன்குடி அனல்மின் திட்ட முதல் அலகுப் பணிகள் மே மாதத்தில் நிறைவு பெறும் என தமிழக மின்வாரிய தலைவரும் மேலாண்மை இயக்குநருமான ஜெ. ராதாகிருஷ்ணன் தெரிவித்தார்.

- 

உடன்குடி, மார்ச் 1:

உடன்குடி ஊராட்சி ஒன்றியம், குலசேகரன்பட்டினம் அருகே கல்லாமொழி பகுதியில் சுமார் 2,000 ஏக்கர் பரப்பளவில் அனல் மின் நிலையப் பணிகள் நடைபெற்று வருகிறது.

முதல்கட்டமாக 660 மெகாவாட் உற்பத்தி திறன் கொண்ட மின் இயந்திரம் அமைக்கும் பணி நிறைவு பெற்று முடியும் தறுவாயில் உள்ளது. இந்நிலையில், தமிழக மின்வாரிய தலைவரும், மேலாண்மை இயக்குநருமான ஜெ. ராதாகிருஷ்ணன் அனல்மின் திட்டப் பணிகளை சனிக்கிழமை ஆய்வு செய்தார்.