பிரதமர் மோடி குறித்து அவதூறு: தேஜஸ்வி யாதவ் மீது வழக்குப் பதிவு

பிரதமர் நரேந்திர மோடியை ‘வாக்கு திருடர்’ என்று குறிப்பிட்டு பதிவிட்டது தொடர்பாக அளிக்கப்பட்ட புகார்களின் அடிப்படையில், உத்தரபிரதேசம், மகாராஷ்டிர மாநிலங்களில் ராஷ்ட்ரீய ஜனதா தளம் கட்சித் தலைவரும் மாநில முன்னாள் துணை முதல்வருமான தேஜஸ்வி யாதவ் மீது முதல் தகவல் அறிக்கையை (எஃப்ஐஆர்) போலீஸார் பதிவு செய்தனர்.

- 

ஷாஜஹான்பூர், ஆக.23:

பிகார் மாநிலம், கயாஜியில் ரூ.13,000 கோடிக்கும் மேற்பட்ட மதிப்பிலான பல்வேறு வளர்ச்சித் திட்டங்களைத் தொடங்கி வைப்பதற்காக அம்மாநிலத்துக்கு பிரதமர் மோடி வெள்ளிக்கிழமை சென்றார்.

பிரதமரின் வருகையை சுட்டிக்காட்டி தனது எக்ஸ் பக்கத்தில் பதிவிட்ட தேஜஸ்வி யாதவ், ‘பிகாரின் கயாஜிக்கு வாக்கு திருடர் இன்றைக்கு வருகிறார். மாநில மக்களின் முன்னிலையில் அடுக்கடுக்காக பொய்களைக் கூறவிருக்கிறார்’ என்று குறிப்பிட்டார்.