சூளகிரி அருகே பழைமையான முருகன் கற்சிலை கண்டெடுப்பு

கிருஷ்ணகிரி மாவட்டம் சூளகிரி அருகே துரை ஏரிக்கரையில் ஆயிரம் ஆண்டுகள் பழைமையான முருகன் கற்சிலையை அறம் வரலாற்று ஆய்வு மையம் கண்டறிந்துள்ளது.

- 

ஒசூர், ஜூலை 12:

இதுகுறித்து அம்மையத்தின் தலைவர் அறம் கிருஷ்ணன் வெளியிட்டுள்ள செய்திக் குறிப்பில் கூறியுள்ளதாவது:

கிருஷ்ணகிரி மாவட்டம், சூளகிரி - பேரிகை சாலையில் 2 கி.மீ. தொலைவில் துரை ஏரிக்கரை உள்ளது. இந்த ஏரியின் பக்கத்தில் ஒட்டரப்பாளையத்துக்கு செல்லும் வழியில் காய்ந்த மரம் ஒன்றின் வேரில் முருகன் கற்சிலை இருப்பதாக கண்ணன் என்பவர் தகவல் தெரிவித்தார். இதன் அடிப்படையில் அறம் வரலாற்று ஆய்வு மையத் தலைவர் அறம் கிருஷ்ணன், மஞ்சுநாத் ஆகியோர் சென்று பார்த்தனர். பேரிகை முன்பு பாளையத்து ஜமீன்கள் அதிகம் வசிக்கும் பகுதியாக இருந்துள்ளது. இன்னும் கூட பேரிகையில் ஜமீன்கள் வசித்த வீடுகள் இருக்கின்றன.

சூளகிரி அருகே மரத்தின் வேர் பகுதியில் காணப்படும் பழைமையான முருகன் கற்சிலை.