தகவல் அறியும் உரிமைச் சட்டத்தை தவறான நோக்கத்துக்குப் பயன்படுத்தக் கூடாது

தகவல் அறியும் உரிமைச் சட்டத்தை தவறான நோக்கத்துக்குப் பயன்படுத்தக் கூடாது என மாநில தகவல் ஆணையர் ஆர்.பிரியகுமார் தெரிவித்தார்.

- 

சேலம், மே 3:

பொதுத் தகவல் அலுவலர்கள் மற்றும் மேல்முறையீட்டு அலுவலர்களுடனான கலந்தாய்வுக் கூட்டம் மாநில தகவல் ஆணையர் ஆர்.பிரியகுமார் தலைமையில் சேலத்தில் வெள்ளிக்கிழமை நடைபெற்றது. மாவட்ட ஆட்சியர் ரா.பிருந்தாதேவி முன்னிலை வகித்தார்.

கூட்டத்துக்குப் பிறகு மாநில தகவல் ஆணையர் கூறியதாவது:

அரசு, அரசு உதவிபெறும் நிறுவனங்கள், துறைகள், அலுவலகங்கள் ஆகியவற்றின் வெளிப்படைத்தன்மையை உறுதிசெய்யும் வகையில் குடிமக்களுக்குத் தேவையான தகவல்களை தகவல் அறியும் உரிமைச் சட்டம் வழங்குகிறது. மாவட்ட அளவிலான பொதுத் தகவல் அலுவலர்கள் மற்றும் மேல்முறையீட்டு அலுவலர்களுடனான கலந்தாய்வுக் கூட்டம் நடத்தப்பட்டது.