மின்னணு வாக்குப் பதிவு இயந்திரங்களில் முறைகேடூக்கு வாய்ப்பு அமெரிக்காவின் குற்றச்சாட்டை மறுத்த தேர்தல் ஆணையம்

'தேர்தல்களில் பயன்படுத்தப்படும் மின்னணு வாக்குப் பதிவு இயந்திரங்களை ஊடுருவி 'ஹேக்' (வாக்குப் பதிவு முறைகேடு) செய்வதற்கு அதிக வாய்ப்புகள் உள்ளது என்ற அமெரிக்காவின் குற்றச்சாட்டை இந்திய தேர்தல் ஆணையம் வெள்ளிக்கிழமை திட்டவட்டமாக மறுத்தது.

- 

புது தில்லி, ஏப். 11:

எந்தவித இணைய வசதி அல்லது இன்ஃப்ராரெட் இணைப்பு இல்லாமல், சாதாரண கால்குலேட்டர் போன்று செயல்படும் இந்திய மின்னணு வாக்குப் பதிவு இயந்திரத்தை ஹேக்கிங் செய்ய வாய்ப்பே இல்லை என்று தேர்தல் ஆணையம் விளக்கம் அளித்தது.

மின்னணு வாக்குப் பதிவு இயந்திரங்களில் முறைகேடு செய்ய வாய்ப்புள்ளது என்று எதிர்க்கட்சிகள் தொடர்ந்து குற்றஞ்சாட்டி வருகின்றன. 2024 மக்களவைத் தேர்தலுக்குப் பிறகும் காங்கிரஸ் உள்ளிட்ட எதிர்க்கட்சிகள் இதே குற்றச்சாட்டை மீண்டும் முன்வைத்தன. ஆனால், இந்த குற்றச்சாட்டுகளை தேர்தல் ஆணையம் தொடர்ந்து மறுத்து வருகிறது.