காது கேளாத குழந்தைகள் 140 பேருக்கு மின்னணு சாதனம்

சிவகங்கை அரசு மருத்துவக் கல்லூரி சாதனை!

- 

சிவகங்கை, ஆக. 30: சிவகங்கை அரசு மருத்துவக் கல்லூரி மருத்துவமனையில் பிறவியிலேயே காது கேளாத குறைபாடுடைய 140 குழந்தைகளுக்கு உயர்தர அறுவைச் சிகிச்சை மூலம் காது கேட்கும் திறன் கிடைத்தது.

இதுகுறித்து சிவகங்கை மருத்துவக் கல்லூரி முதல்வர் சீனிவாசன், காக்ளியர் இம்பிளாண்ட் அறுவைச் சிகிச்சை துறைத் தலைவர் பேராசிரியர் நாகசுப்பிரமணியன் ஆகியோர் செய்தியாளர்களிடம் அண்மையில் கூறியதாவது:

சிவகங்கை அரசு மருத்துவக் கல்லூரி மருத்துவமனை காது, மூக்கு, தொண்டை பிரிவில் காக்ளியர் இம்பிளாண்ட் எனும் உயர்தர அறுவைச் சிகிச்சை கடந்த 2016-லிருந்து செய்யப்பட்டு வருகிறது. இன்றுவரை 140 குழந்தைகளுக்கு ரூ.9.50 கோடியில் காக்ளியர் இம்பிளாண்ட் அறுவைச் சிகிச்சை காப்பீட்டுத் திட்டத்தில் இலவசமாக செய்யப்பட்டது.