ஐஏஎஸ் அதிகாரிகள் இணை அரசாங்கம் நடத்துவது துரதிருஷ்டவசமானது

தமிழகத்தில் ஐஏஎஸ் அதிகாரிகள் இணை அரசாங்கத்தை நடத்தி வருவது துரதிருஷ்டவசமானது என்று ‘கனவு இல்லம்’ திட்டத்தின் கீழ் ஒதுக்கீடு செய்த வீட்டை வழங்க உத்தரவிடக் கோரி கவிஞர் வைரமுத்து தொடர்ந்த வழக்கில், சென்னை உயர்நீதிமன்றம் கண்டனம் தெரிவித்தது.

- 

சென்னை, ஆக.8:

சென்னை உயர்நீதிமன்றத்தில் கவிஞர் வைரமுத்து தாக்கல் செய்த மனுவில், முன்னாள் முதல்வர் கருணாநிதியின் 97-ஆவது பிறந்த நாளை முன்னிட்டு தமிழ் இலக்கியத்துக்கு தொண்டாற்றிய தமிழ் அறிஞர்களுக்கு தமிழக சார்பில் ‘கனவு இல்லம்’ திட்டம் அறிவிக்கப்பட்டது. இதுதொடர்பாக கடந்த 2022-ஆம் ஆண்டு அரசாணையும் பிறப்பிக்கப்பட்டது.

இத்திட்டத்தின் கீழ் எனக்கு பெசன்ட் நகரில் 1,380 சதுர அடி கொண்ட வீடு ஒதுக்கப்பட்டு, எனது பெயருக்கு பத்திரப்பதிவும் செய்யப்பட்டது. இந்த அரசாணையை மாற்றியமைத்து 2024-ஆம் ஆண்டு மற்றொரு அரசாணை பிறப்பிக்கப்பட்டது. இந்த புதிய அரசாணை மூலம் தமிழ் அறிஞர்களை தமிழக அரசு அவமதித்துள்ளது.