ஈரான்-இஸ்ரேல் இடையே மத்தியஸ்தம் செய்யத் தயார்: புதின்

மோதலில் ஈடுபட்டுள்ள ஈரானுக்கும் இஸ்ரேலுக்கும் இடையே மத்தியஸ்தம் செய்து வைக்கத் தயாராக இருப்பதாக ரஷிய அதிபர் விளாதிமீர் புதின் அறிவித்தார்.

- 

மாஸ்கோ, ஜூன் 18:

இதுகுறித்து ரஷிய அதிபர் மாளிகையான க்ரெம்ளின் புதன்கிழமை வெளியிட்ட அறிக்கையில் தெரிவிக்கப்பட்டதாவது:

ஐக்கிய அரபு அமீரகத்தின் ஆட்சியாளர் முகமது பின் சையத் அல் நஹ்யானுடன் அதிபர் விளாதிமீர் புதின் தொலைபேசியில் உரையாடினார். அப்போது, ஈரானுக்கும் இஸ்ரேலுக்கும் தற்போது நடைபெற்று வரும் மோதல் விரைவில் முடிவுக்குக் கொண்டுவரப்பட வேண்டும் என்பதை இருவரும் ஒப்புக்கொண்டனர்.

இத்துடன் ஈரான் அணுசக்தித் திட்டங்கள் குறித்த சர்ச்சைக்குரிய பிரச்னைகளுக்குத் தீர்வு காண்பதற்கான அரசியல் மற்றும் தூதரக முயற்சிகளை தீவிரப்படுத்த வேண்டியதன் அவசியத்தை இரு தலைவர்களும் வலியுறுத்தினர்.