உயர்நீதிமன்ற நீதிபதி சத்யநாராயண பிரசாத் மறைவு

தமிழக அரசு சார்பில் இறுதி மரியாதை

- 

சென்னை, மே 7: சென்னை உயர்நீதிமன்ற நீதிபதி ஜெ.சத்யநாராயண பிரசாத் செவ்வாய்க்கிழமை மாரடைப்பால் திடீரென உயிரிழந்தார். தமிழக அரசு சார்பில், காவல் துறை அணிவகுப்பு மரியாதையுடன் அவரது உடல் அடக்கம் செய்யப்பட்டது. முன்னதாக, அவரது உடலுக்கு முதல்வர் மு.க.ஸ்டாலின், சென்னை உயர்நீதிமன்றத் தலைமை நீதிபதி கே.ஆர்.ஸ்ரீராம் உள்ளிட்டோர் நேரில் அஞ்சலி செலுத்தினர்.

சென்னை உயர்நீதிமன்றத்தில் நீதிபதியாக பணியாற்றியவர் ஜெ.சத்யநாராயண பிரசாத் (56). நீதிபதிகளுக்கான பணிமூப்புதரவரிசைப்பட்டியலில் 42-ஆவது இடத்தில் உள்ளார். கிரீன்வேஸ் சாலையில் உள்ள நீதிபதிகளுக்கான குடியிருப்பில் வசித்து வந்த இவருக்கு, செவ்வாய்க்கிழமை இரவு திடீரென நெஞ்சுவலி ஏற்பட்டுள்ளது.