சென்னையை வீழ்த்தியது ஹைதராபாத்

ஐபிஎல் கிரிக்கெட் தொடரின் 43-ஆவது ஆட்டத்தில் ஹைதராபாத் 5 விக்கெட்டுகள் வித்தியாசத்தில் சென்னை சூப்பர் கிங்ஸை வெள்ளிக்கிழமை வென்றது.

- 

சென்னை, ஏப். 25: சொந்த மண்ணில் சென்னைக்கு இது 4-ஆவது தோல்வியாகும். ஐபிஎல் வரலாற்றில் சென்னையில் முதல்முறையாக ஹைதராபாதிடம் தோற்றுள்ளது சென்னை அணி. இந்த ஆட்டத்தில் முதலில் சென்னை 19.5 ஓவர்களில் 154 ரன்களுக்கு 10 விக்கெட்டுகளையும் இழக்க, ஹைதராபாத் 18.4 ஓவர்களில் 5 விக்கெட்டுகள் இழந்து 155 ரன்கள் எடுத்து வெற்றி பெற்றது.

முன்னதாக டாஸ் வென்ற ஹைதராபாத், பந்துவீச்சை தேர்வு செய்தது. சென்னை இன்னிங்ஸில் ஷேக் ரஷீத் முதல் பந்திலேயே ஆட்டமிழக்க, யுஷ் மாத்ரே அதிரடியாக ரன்கள் சேர்த்தார். 3-ஆவது பேட்டராக சாம் கர்ரன் வர, 2-ஆவது விக்கெட்டுக்கு 39 ரன்கள் சேர்த்தது அவர்கள் பார்ட்னர்ஷிப்.