வங்கதேச சட்டவிரோத குடியேறிகளால் இந்திய மக்களின் வாழ்வாதாரத்துக்கு பாதிப்பு: பாஜக

வங்கதேசத்தில் இருந்து இந்தியாவுக்குள் நுழைந்த சட்டவிரோத குடியேறிகளால், மேற்கு வங்கத்தைச் சேர்ந்தவர்கள் தங்களின் வாழ்வாதாரத்தை இழந்து பிற மாநிலங்களில் புலம்பெயர் தொழிலாளர்களாகப் பணிபுரியும் நிலை ஏற்பட்டுள்ளதாக அந்த மாநில பாஜக தலைவர் சமிக் பட்டாச்சார்யா ஞாயிற்றுக்கிழமை தெரிவித்தார்.

- 

கொல்கத்தா, ஆக.3: வங்கதேசத்தில் இருந்து இந்தியாவுக்குள் நுழைந்த சட்டவிரோத குடியேறிகளால், மேற்கு வங்கத்தைச் சேர்ந்தவர்கள் தங்களின் வாழ்வாதாரத்தை இழந்து பிற மாநிலங்களில் புலம்பெயர் தொழிலாளர்களாகப் பணிபுரியும் நிலை ஏற்பட்டுள்ளதாக அந்த மாநில பாஜக தலைவர் சமிக் பட்டாச்சார்யா ஞாயிற்றுக்கிழமை தெரிவித்தார்.

வங்கதேசத்தில் இருந்து இந்தியாவுக்குள் சட்டவிரோதமாக நுழைந்ததாக சந்தேகிக்கப்பட்ட 8 பேரை கைது செய்த தில்லி காவல் நிலைய அதிகாரி, வங்கதேச தேசிய மொழிபெயர்ப்பாளர் ஒருவரை அனுப்புமாறு புது தில்லியில் உள்ள மேற்கு வங்க மாநில அரசின் விருந்தினர் மாளிகைக்கு கடிதம் அனுப்பியதாக ஆளும் திரிணமூல் காங்கிரஸ் கட்சி எக்ஸ் வலைதளத்தில் ஞாயிற்றுக்கிழமை பதிவிட்டது.